tg-me.com/Kuunah/673
Last Update:
#علاقات_السوشيال_ميديا
طيب💙الموضوع دا معقد جدا..و عنده نواحي كتيرة..يعني انت ممكن تسأل تقول إنه هل هي ناجحة أو لا..ما حتلقى إجابة شافية..لكن العلاقات في العالم دا..
بتكون لأسباب ما كثيرة..أولا التناسب الفكري..يعني تلقى زول بفكر زيك أو طريقة تفكيره تعجبك..
دي الحاجة الممكن تقول عنها إنها منطقية شوية..
أما الباقي فإعتبرو أسباب سطحية..الشكل..الوضع المادي..الشهرة..طبعا هنا مافي عجبتني ضحكتها و الكلام دا..
يلا ركزوا معاي..ممكن الحاجة دي تكون ناجحة..بس كمان ممكن تكون مضللة..لأنه إنت في النهاية ما شفت الطرف التاني بكل جوانبه..و دا واحد من سلبيات الموضوع دا..
السطحي بعمل فيها عميق..و العميق بعمل فيها سطحي..الخجول بعمل فيها واثق و متفتح..المتكبر بعمل فيها متواضع..
طيب..الحاجة دي لو حصلت بالتدرج الصحيح ما بكون فيها مشكلة..و دا في حالة إنك لسة ما متأكد من الشخصية..
بتقوم تخلي العلاقة في ما تفوت مستوى أو حد معين..عشان تاني ما تدخل في حتة إنت خذلتني..
و ما كنت قايل و الكلام دا..طبعا هنا ما حنتكلم عن مدى الجدية في العلاقة و كدا..
الحاجة التانية..إنت مهما وصلت من قرب مع الطرف التاني حتكون مكبل..لأنه هنا في عناصر كتيرة مفقودة..زي الإحساس بالقرب المكاني..و في ترجمات و حاجات حسية مستحيل تقدر تعكسها في العالم دا..
بالإضافة لإنكم بتكونوا مربوطين بخيوط هشة ممكن تتقطع في أي وقت..
يعني ببساطة لو حصلت للطرف التاني حاجة إنت ما بكون عندك خيار غير إنك تنتظر(النقطة الخضراء)تظهر في الدردشة..أو كلمة(online) في التطبيقات الأخرى..
و ما بتقدر توصل ليهو..
و الأهم ردود الأفعال و خطأ فهمها..
يعني ما بتكون مدرك لحالة الشخص البتكلم معاك و ممكن يقول كلام يتفهم غلط..لأنك ببساطة ما شايفو قدامك..
يلا النقطة الأهم..
و هي الكيمياء الواقعية..يعني إنت معجب بالإنسان دا في العالم الإفتراضي لكن ممكن لما تلاقيهو وجها لوجه ما حتلقى نفس الإنجذاب..و دي طبعا حاجة بتدخل الناس في متاهات طوالي..يلا في ناس دايما بقوله إنه الناس ما تاخد القرارات النهائية ما لم يتأكدو من نقطة القبول في الواقع..
عموما في نماذج ناجحة..و أخرى فاشلة..فما بتقدر تحدد مدى نجاح الموضوع بصورة عامة..
#E_mustafa
BY Mustafa kunna
Warning: Undefined variable $i in /var/www/tg-me/post.php on line 280
Share with your friend now:
tg-me.com/Kuunah/673